العضوة: 865184 , 4 years ago

اي معلش حبيبتي هني الرجال مابيحبو كلمتن تنكسر الله يصلح حالكن لا تحكي لاهلك ولا شي بالسهرة احكي معو عرواء

العضوة: 858774 , 4 years ago

شكرا كتير حبيباتي والله يخليكم ويطعمكن مراد قلبكن سمعت كلامكن وماخبرت اهلي وامبيرحا المسا حكيت معو ماقلي شي ولارد علي بس انو هو مزعوج مني وانشالله منتصالح يارب عم قريب ادعولي حبيباتي هو انا جوزي الحمدلله حنون بس مابيرضا بسرعا والمشكلة خبر اهلو بكلشي يعني اذا رضيت جوزي في اهلو والله جنيت منو على هالعادة انو كلشي بخبر اهلو وبدي ضل علي ليصالحني لااني غلطت انا و بعرف هالشي بس انا بدي ما يرجع يعيدا مرة تانية وقت كون مجهزة حالي ويقلي ماتروحي لااني انا مابقصر علي بشي ابدا ومالي حارمتو من شي

العضوة: 858774 , 4 years ago

الله يسلمك حبيبتي خليلي قلبكن الحمدلله انشالله خير انتو ادعو لي الله يكتر خيركم عالنصايح يلي عطيتنوني ياها الحمدلله استفدت شوي بس اجباري هو بدو يتدلل مشان مااعيدا

العضوة: 821354 , 4 years ago

@user-858774 ياستي خلي يتدلل وانتي دللي زيادة بالعكس بتكسبي محبتو اكتر

العضوة: 858774 , 4 years ago

الحمدلله حبايبي ماضل شي بيني وبين زوجي بس لسا ماعطاني السيمة ولاانا طلبتا منو مشان مايشوفني ملهوفة عليها بس المهم انو ماضل شي بيني وبينو

العضوة: 898051 , 4 years ago

برافو عليكي الله يصلح بينك و بينه و دوم المحبة بيناتكن يارب

العضوة: 821354 , 4 years ago

الحمدلله مو مشكلة البطاقه بعد فترة الا ما يعطيكي اياها بس انتي لا تهتمي فيها وحتى اذا فتحك بالموضوع احكيلو ماضروري البطاقه المهم انك تكون رضيان علي خلي يعرف انك مو سائلة بالبطاقة هههههه