العضوة: 38720 , 9 years ago

@user-46728 والله ما فيها والو بصح ما حبتش تفوت الصورة . الكونكسيون تقيلة خلاص . حبيت نحطلكم حوايجي كامل بصح ما حبوش يفوتو

العضوة: 46728 , 9 years ago

@user-38720 شكرا ختي ربي يحفضك علابالاك هذا اول حمل ليا مانعرفش واش نوجد واش هوا النيسيسار

العضوة: 38720 , 9 years ago

@user-66495 الحكة من الانفكسيو لازم داويها ضروري سيرتو اذا ركي بالحمل . تقدري تستنجي بماء فيه شوي خل يبرد الحكة بصح لازم داويها

العضوة: 49969 , 9 years ago

حتى انا لبنات معرفتش واش ندي و واش نخلي شريت كلش بصح حرت و الله

العضوة: 46728 , 9 years ago

انا مازال ماشريت والو انشالله منكم نستفاد

العضوة: 38720 , 9 years ago

@user-46728 @user-49969 شوفو كتبت الفوق واش لازم تدي

العضوة: 38720 , 9 years ago

@user-46728 وش من شهر راكي ؟؟

العضوة: 46728 , 9 years ago

راني في السابع ام لياااان

العضوة: 38720 , 9 years ago

@user-46728 لازم تبداي تشري . ابدي بالحوايج الداخليه لي تريكو بالكم و نص كم خاطر تولدي في سبتمبر اكتوبر يبدا يبرد الجو . و سليبات كيما لي حطيتهم . بيجامات زوج ولا ثلاث و سراول يجيو وحدهم و لي قرونيار اشريهكم خشان شوي و لي قون و تقاشر و لس سارفيات تاع وجه و تاع الجسم و بونيات و لي بافات و كوفيرتة و درا و قماطات مربع و مثلث و كاين اذوك الواجدين تاع الترك و الكوسميتيك خيري ڨام مليحة ما ديرش حساسية . كلش لازم يكون مقاس من شهر حتى ثلاث شهر و ما تكتريش ماكس 4 من كل حاجة خاطر يكبر ليه ليه و تشري اخرين

العضوة: 77469 , 9 years ago

بنات مجاويتونيش !

العضوة: 38720 , 9 years ago

@user-77469 على واش اختي ؟؟

العضوة: 67784 , 9 years ago

سلام بنات نحكيلكم ع مغامرتي اليوم رحت صباح ع 8 للطبيبة عطاتني برية فوق قلبها خاطر خايفا نولد في سبيطار زيد انا اصلا عندي مشكل ليڤاريس في رحم لكن من بكري تسما كوم اول مرة راح نشق دهشت و زيد حبت تدي صوارد هي خير هههههه مهم ضربتلي بيكورة رئة تاع كورتيزون ما جا راجلي يشريها حتي طابو رجليه لقاها مقطوعة موش فارمسيانات كامل يبيعوها وصل حتي سوق اهراس باش جابها و ب 500 الف مفهمتش علاش ع لخر كي رحت للطبيبة تسما هي تخدم في كلينيك بعد قتلي كون جيتي ظربوهالك هنا بصح ب 700 الف و راني حااايرة في سومة و لغلا لواش مهم ضربتهالي و كتبتلي ورقة و عطاتني نومروها و رحت للسبيطار تاع سعدي انا بعد نكرهو...

العضوة: 67784 , 9 years ago

مهم دخلت جابو بيا ساعة باش عمرنا لورق و لمزية عندي بيجاماتي شريتهم قبل رمضان بصح نلبس فيهم لمزية مزال منورين ديتهم معايا و خليت بناتي عند ماما و قتلها او يعطيك صوارد اشريلي وش لازم للنفاس و فرات مهم حتا 10 باش دخلوني للبيت تاع روبو يا ندبا وش نحكيلكم نسااااا و غاشي تقول مدايرين لاشان و لا في ملجأ تاع متشردين حاطين كل زوج في سرير و حدا تبكي و حدا راقدا و ريحة نتوووونة حاشاكم مع سخانة و لعرق مع كل احتراماتي نسا خماج يعني واش فيها وحدا تنوض تغسل اطرافها و دير ديودورو تتنفس و تخلي لي معاها يتنفسو حاصولي حطوني انا مع وحدا في سرير و تجي قد ماما في عمر و هي بالحمل ربي يعينها و زهري راسي جا وين اخر سرير و هي راسها تسما في جهة لمقابلة مقدرتش نفرش درا تاعي ديتو معايا مهم حالة كارثية و نزيدكم سيروم لازم يبقا معلقلي ه تمييه بيبي خاطرش نشفت ايماجينيو نص شكارة ليا و كي وصلت لنص جات فرملية بدلت لبرة برك و كملت نص لوخر للمريضة لي مقابلتني قتلها واش ديري قتلي الله غالب سيروم ناقس مجابولناش سلعة عجال حومة عيد ههههه صدقوني تشوكيت مهم واش نحكي واش نخلي ع 12 و نص خلاو ناس يدخلو وقت لافيزيت....

العضوة: 60707 , 9 years ago

@user-67784 يا أختي ربي يكون معاك و يسلكك على خير و كلش يفوت و غمضي عينيك على كلش غير أنها تجي تحطلك سيروم تاع كاش وحدة أخرى راهو خطير فوق واش تتصوري راهو يمشي في العروق

العضوة: 67784 , 9 years ago

راجلي اصلا مع غاشي دخل حار قالي من قلبك يخليوك هك حتي باش تتكاي متقدريش قتلو هاك تشوف خرج يهدر معاهم و هوما الظرافة لي عندهم الله يبارك والعكس صحيح رجعلي وجهو احمر قالي البسي قشك و هيا قتلو وين قالي قتلك هيا مفهمت والو لميت حوايجي دخلنا للبيرو قتلو ادا خرجتيها تتحمل مسؤوليتك و ممنوع تقدر تجيبها تولد هنا ولازمكم تسينيو عمرنا ورقة خروج سنيينا قلها ع وجه ربي برك قوليلي واش لازملها نديرها سبيطار في دار قتلو كل يوم لازمها شكارة سيروم و تاكل غير مسوس و متنوضش غير للتوالات ورا اسبوع قد قد شوف وين تديها قالي هيا هيا نهربو بالروح تقول رانا في ملجأ ماشي سبيطار ع سعدي رجعت للطبيبة قتلي انا تاني مكنتش حاباتك تروحي تحبي نديرلك بلاصة في كلينيك بصح ليلة ب 300 الف معناها سمانا 2100 و زيد زيادة 9 الحق ياسر راجلي زعما قالها طول هاه ديريلها قتلو نقلك تفاهمنا مع فرملية تجيني كل يوم صباح تعلقلي سيروم و تقيسلي لاطونسيو ب 100 الف نهار حتي تكمل سمانة و فرات لكن لازم منوضش غير للتوالات و فرات و غير جنبي ليسر ولات طبيبة دارتلي هاذاك سبتة تاع دقات قلب تاع بيبي لقاتهم ملاح و لقات بيبي تتحرك نرمال قتلي كي يكمل اسبوع تجيني ممكن ندورهالك بيدي و اذا مقدرتش نظطرو للعملية و فرات مهم كيغير وين روحت و نضحك ع روحي عشت اسوا مغامرة في حياتي و تمرميد اكثر من كلش