العضوة: 78770 , 9 years ago

@user-67784

العضوة: 67784 , 9 years ago

@user-78770 متعرفينيش راني قريب ندي لاروترات من تجمع ادا ههههه مين حل و انا معاهم و لكان غطست اني نلتا مع ضياف برك هههه مهم هاو ليك انا من عنابة 26 سنة عندي زوج بنات و ثالثة في طريق ان شاء الله راني في اسبوع 30 عنق رحمي مفتوح نضرب في لاباري بروجسترون نعاني من خطر ولادة مبكرة... واش نزيدك كنت نخدم والآن انا في دار و ملحقتش سكنت 5 سنين عند عجوزتي و هذا اول عام وحدي وجات استعمرتني ههههه وش نزيد نقول... مممم هذا مكان هههه وانت اختي تاني منعرفكش تفضلي

العضوة: 67784 , 9 years ago

@user-78770 اسمي نور بناتي 5,5 و 3,5 هههه كشما تحبي نزيد نقولك راني هنا

العضوة: 49969 , 9 years ago

@user-67784 مازال مترقدي؟؟؟😴😴😪😪

العضوة: 78770 , 9 years ago

@user-67784 انا ريمة امال من بليدة عمري 31سنة و عندي 3بنات 1:ريماس مروة 5سنين و2:ويسام دينة و عمرها 2سنتين و نص و 3: نسرين هدى و عمرها شهرين و انا ما نخدمش قاعدة فالدار و نسكن مع عجوزتي بصح كل واحد في برطما وحدو يعني الساحة وحدة و بابها مقابل بابي واش نزيد نقولك نسكن قدام دارنا يعني عائلتي و داري جيران و هواياتي الحلويات مممممم نموت عالخدمة تاع القاطو هههههه

العضوة: 78770 , 9 years ago

@user-49969 واش نضتي تسحري ههههههه

العضوة: 78770 , 9 years ago

انا هاذا وين دخلت للدار

العضوة: 78770 , 9 years ago

@user-67784 ربي يطلعك على خير و يسهل امورك و يفرح قلبك ببنتك و يحفضلك بناتك و يرزقك بوليد نشاله قولي امين

العضوة: 67784 , 9 years ago

@user-49969 والله ملي دخل رمضان كل يوم هك حتان نصلي صبح و نرقد

العضوة: 67784 , 9 years ago

@user-78770 امين ياربي و يرزقك انت ثاني و ربي يعيشلنا بنياتنا

العضوة: 67784 , 9 years ago

@user-49969 وانت ساهرة ولا رقدتي و نضتي

العضوة: 78770 , 9 years ago

@user-67784 امين حنونة ربي يخليك

العضوة: 67784 , 9 years ago

@user-78770 يكل صراحة وش كان احساسك كي عرفتي ثالثة طفلة و تغير شي بعد الولادة انا بصراحة درت اسباب زعما للحمل بطفل تاع بيكاربونات و توقيت جماع... و توقعت طفل اصلا اعراض حملي تدل ع طفل تالمو كنت حابة و كي درت سونار و جات طفلة الحق مع لول تشوكيت ربي يسامحني لكن شهدت و استغفرت و قلت هاذي نعمة تاع ربي والحمد لله حاولت ندير اجراءات باش نتبنى طفل مجهول نسب مع عمر بنوتي لي في كرشي و نربيهم قدام عينين ناس على انهم توام و نرضعو وركلش جرينا ع لكواغط انا و راجلي و كي وصلنا للصح قالنا المدير في الجزاير تقدرو تتحصلو على سلاح ناري بسهولة و باش تتبناو يتيم يحبلكم حتى عام ولا عامين انتظار الحق بكيت بقهر لانو كلام ناس تعبني و كنت حاطة امل باش نسكت عباد يااااسر جاهلين ولكن الان انا راضية بقضاء الله و قدره و غير ربي برك يسطرلي بنيتي و نمنع انا و هي و فرات

العضوة: 49969 , 9 years ago

@user-67784 مازال ما نرقد راجلي حط السحور كليت شوية معاه و راني متكسلة السخانة قتلتني و الكليماتيزور مشعولة تقولي راني فالصحرا السخانة تحكمني مالداخل مالنهار اللي عرفت بالحمل و انا هاكا و كل ما يزيد الحمل يتقدم تزيد السخانة كثر و كثر سقسيت الطبيبة قالتي نورمال مادام معندكش ضغط الدم

العضوة: 67784 , 9 years ago

@user-49969 ايه صح نرمال راني كيفك والله منقدر نحمل طبا فوق مني راو هرمونات هي لي تعمل هك واصلا انا وياك نظن نفس توقيت اني في اسبوع 30؟؟