العضوة: 773737 , 4 years ago

وانا متلك .. وبيتي جنب بيت اهلي ع نفس الشارع بينا عشر خطوات كنت مقررة اروح بيت اهلي عشان اختي الصغيرة تهتهم فيي مش عشان امي او حد تاني... عمتي حابة كتير .. بس زوجي مش متقبل الموضوع ابدا ابدا مش متقبل اغيب فترة من ١٠ ايام تقريبا.. هو طيب كثير كثير وحنون وبحترمني قبل اي اشي وبقدرني وكذلك بيت عمي .. انا ساكنة بعمارة طابق ٤ وبيت عمي يعني اهله بالطابق الاول وكثير كثير بهتموا فيي وبحبوني حتى لمن أنفس مش راح يتركوني لحالي بس انا في عادة... اني يكون وجودي خفيف ع الكل وما بحب اثقل على حدى حتى اخواته او امه او هو وانا مش حابة ازعله يعني بحاول بالرضى معه والكلمة المنيحة بالأخير القرار إلي يعني يلي بشوفه مناسب راح اعمله اذا قبل او ما قبل ... بالأخير ما حد بحس بمعاناتك الا انتي وبدك اهتمام من حد قريب عليكي وبحبك واختي هيك انا وياها معلقين ببعض كثير وكأني انا امها وهي بنتي .. زوجك مش راح يساعدك كثير بحال رحت وتركته راح يتذايق كثير ويصير بينا زعل كبير ويعصب كثير. بس عادي.. بس بالأخير متل ما حكيتلك اعملي يلي مناسب الك مش لزوجك.

العضوة: 773737 , 4 years ago

جربي مع زوجك بالكلام المنيح والمسايرة واحكيله انك بحاجة حد جنبك .. وبكلام لطيف.. انا هيك عملت ورفض بس ما تمشكلت معه تاركة الموضوع ليوم ولادتي بالمستشفى بس يشوفني تعبانة او متوجعة مش راح أهون عليه وغصبا عنه راح يتركني اعمل المناسب لانه قلبه طيب وما برضى الي الوجع حتى امه حكتلي نفس الشي بس يشوفك يوم ولادتك مش راح تهوني عليه ابدا... وحكتيلي اني هي معي وراح تخوفه وتحكيله حرام هي تعبانة ونفسا بدها عناية بدها تحاميل بدها مساعدة بالحمام... ومرتك زي ما بتعرف ما بتترك حد يساعدها ولا بتشكي لحدى ... وانا هيك بالضبط .. لو بتطلع روحي ما بطلب اشي او مساعدة من حد الا اختي بتمناها جنبي .. لهيك هي راح تقنعه يوم ولادتي وراح يقتنع متأكدة.

العضوة: 861532 , 4 years ago

انشالله الله يسر شكرا لكي