بنات انا امي متوفيه وماعندي خوات ولا قريبات بمدينتي شايلة هم الولادة لان الولادة اللي قبل امي كانت موجودة وتساعدني وتواسيني لكن هذي ما عندي احد مين نفس وضعي؟ عندي بنت أولى ابتدائي فقط
شايلة هم العناية بالطفل بفترة النفاس مين كانت نفاس ببيتها تحكي تجربتها الله يسعدها 💕
العضوة: 883679 , 4 years ago
رفع الله يسهل ولادتكم 🙏🏻العضوة: 767983 , 4 years ago
الله يهونها عليك عادي ترى احيانا الوحدة حتى لو عندها اهل تنفس في بيتها انتي جهزي من هالحين الاعشاب والسرير واشياء النفاس واذا تقدري مثلا تتعاملين مثلا مع طباخة وتسوي لك الاكلات وكذا ع حسب وضعك المادي توكلي ع الله وضبطي لك جو وان شاء الله كلها ايام وتخلص واهم شي صحتك وصحة البيبيالعضوة: 837574 , 4 years ago
ي عمري الله يرحم الوالده ويصبر قلوبكم، انا ولدت 3 ولادات في بيت اهلي والولاده الاخيره قررت أولد ف بيتي والحمدلله الأمور ماشيه حبيبتي جيبي خدامه تساعدك واساسا اخدت راحتي اكتر ف بيتي حتى خلي زوجك يساعدك ب النونو تقدري تخليه عندو وتنامي لك شويا اول ف بيت اهلي مااقدر احط البيبي عند أحد ف من ناحيه الاكل والاهتمام شوفي لك حرمه ولا من الأسر المنتجة تعاملي معا واحده نظيفه وثقه والأعشاب وذي الأشياء عادي بسيطه انتي قومي شوي شوي سويها في تجيك جاهزه يبيعونها الحريم بس تحطيها ب مويا وكيذا والعامله بتساعدك كثير، تتسهل الأمور لاتفكري كثير، والله يقدملنا السلامه ياربالعضوة: 883679 , 4 years ago
الله يسعدك ويوفقك يا رورو طمنتي قلبي الله يطمن قلبك وييسر امرك ❤العضوة: 883679 , 4 years ago
امين وياك يا ميها حبيبتي بإذن الله بسوي اللي قلتي الله يسعدك ويوفقك وييسر امرك يا ربالعضوة: 841246 , 4 years ago
@user-883679 انا نفس وضعك ومن اول بيبي اهلي ف مكان وانا ف مكان وكل مرة لوحدي وف البيت بلعكس احسن واريح كتير ونفست 4مرات الحمدلله وبنتك مشالله كبيره واعي يعني لو بتحكيلها لا تجي جنب البيبي راح تسمع منكالعضوة: 841246 , 4 years ago
@user-883679 والله انا اولد الصبح ورجع الظهر اعمل الغدي واهتم باولادي والحمد لله كل مرة اولاد طبيعيالعضوة: 883679 , 4 years ago
الله يقويك مش شي سهل اللي بتعمليه انتي بطلة ربي يسعدك ويوفقك ويحفظ لك أطفالك الحمدلله يارب على كل شي ❤العضوة: 841246 , 4 years ago
@user-883679 وبعدين جوزك بيساعدك فيه ويحس بيه ويتعلق بيه اكترالعضوة: 883679 , 4 years ago
فعلا وهذا مفروض دوره وواجبه ، شكل النفاس بالبيت احسن من بيت الأهل بكثير الله يسعدك طمنتينيالعضوة: 841246 , 4 years ago
@user-883679 وحتا انتي بطله اكيد وبادن الله تقومي بسلامه وتهتمي بنفسك والبيبي وبنتك وزوجك والله يسعد قلبك ويقويك ويفرحك بشوفت ضناك ياربالعضوة: 841246 , 4 years ago
@user-883679 اي احسن بكتير والله اخواتي كانوا بينفسوا عندنا وكنت معاهم شريره 👿والله هلق بيخلصوا مني😂العضوة: 841246 , 4 years ago
اي دوره واجب عليه انا زواجي بيمسك االبيبي وانا انم وكان يهتم بيهمالعضوة: 859489 , 4 years ago
وش الاعشاب لو تكرمتيالعضوة: 816685 , 4 years ago
يابنت الحلال وسعي صدرك الحين الاغلبيه يتنفسون ببيوتهم اريح لهم وانا باذن الله باانفس ببيتي اهم شيء انه مو اول واحد مع ان بيت اهلي بالشارع الثاني بس ماارتاح بيت اهلي ازعاج لان مع فلل عماني كلهم بحوش واحد ومافيه راحه طالع داخل عرفتي. ؟! فقررت اتنفس ببيتي اولا نظفي البيت تنظيف عميق جهزي الملابس سوا لك او للنونو ولبنتك خلي كل شيء مرتب وواضح حتى لو توصين زوجك يعرف المكان علطول ثانيا جهزي لك اكلك فرزني حنيني او عصيده او اشتريها من حرمه جاهزه اول ماتصحين تاكلينها مع حليب وفلفل اسود او حليب وزنجبيل نوعي عاد وبيض مسلوق لهوم مالهوم ترى تضر النونو لو كنتي ترضعين هذا كلام دكتوره مو كلامي جيبي برطمان كبير واخلطي مقادير المراصيع الجافه بس ولاجعتي سويلك علطول مع عسل وقشر قهوه القشر الحين ياكثر الحريم الي يبعونه مبهر وجاهز واشتري الشوربات الجاهزه وخليها عشاء لك مع فاكهه ولا صدر دجاج او شوربه خضار مع لحم اشتري الحم المقطع الجاهز وحطي عليه فلفل اسود وحلبه وسويلك بحافظه تمر مع سمن ورشاد وشمر وسمسم زينه وتنظف هذا اكلك ❤️❤️ النونو جهزي رضعاته كم وحده عشان ماتضطرين كل شوي تقومين تغسلين لو بترضعينه صناعي وعلبه حليبه وزمزميه المويه وخليها بطوفريه عند راسك وجيبي الشنط البلاستيك حقت الاطفال جهزي فيها ملابسه البامبرز والبربتوز والي عاد بتلبسينه وخليها جنبك برضو وكل شيء تحتاجينه خليه قريب واهم شيء بيتك خليه يلق من النظااااافه والترتيييييب ولا تهملين شيء واي شيء يتوسخ نظفيه لا تراكمين عليك لبعد الولاده. ودوره المياه جهزي فيها اغراضك غسول ومرهم والفوط الصحيه والمنظفات والمطهرات بحيث لادخلتي وفيك شده تشطفين الحمام بعدك ودعواتك لو افدتك والله يسهل علي وعليك وعلى كل مسلمه يارب