صبايا بدي مساعدة.. هاي اول ولادة لالي ..ولدت من اسبوعين قيصري و ببداية شهري... لما اطلعت من العملية المستشفى ما رضي يعطيني ابني لحد ٣ ايام عشان اجراءات كورونا وطبعا اكيد كان يشرب حليب صناعي عندهم..ولما طلعت من المستشفى قعدت عند دار حماي وهون المشكلة .. حماتي صارت تاخد ابني وتعطيه رضعة ورا التانية وانا كنت تعبانة مش قادرة احكي .. لحد ما صحيت على حالي وبلشت احاول مع ابني يرضع طبيعي...هلا المشكلة انو .ابني ما عم يرضاني ..لما باجي ارضعو بنام ..وازا جبتلو حليب صناعي بنفس اللحظة بيشربو كانو عمرو ما اكل..انا صار عندي احباط ..وحماتي بتحاول اني ابعد عن الرضاعة الطبيعية بكل جهدها ... شو اعمل؟! في امل ابني يرضاني والا خلص افقد الامل؟!!!!!