حابه احكي قصه ولادتي عشان م انسى نعم الله علي واشكر كل الموجودين هنا ساعدوني بفتره حملي استفسارات وتجمعات كانت رحله جميله 🤍🤍 حملي الثاني مرر بسلاممم كله ولله الحمد مجرد م دخلت التاسع بدت المشاكل كنت اراجع بحكومي وبخاص الخاص كان مواعيده اسرع وسلس اما الحكومي كنت اروحه عشان اثبت اوراقي عندهم للولاده على خير 👍🏼 بيوم رحت موعد بالخاص اعتيادي تشييك قالت احتاج اسوي لك تخطيط قلت طيب وسويت تخطيط قالت ارجعي لي طول التخطيط والممرضه تحاول تحرك بطني عشان يتحرك البيبي وهكذا الى ان خلص وريته الدكتوره قالت التخطيط موب مبشر ابداً انتي متأكده من حركه البيبي قلت اي يتحركك وانا جايتك تحرك قالت ضروري بكره تجيني الصباح مفطره نعيده قلت طيب ورجعت لها الصباح مفطره مرتين عشان اتأكد 🤣🙂 سويت التخطيط ووريتها قالت عملية مستعجله البيبي تعبان والنبض وووو انا وقفت بنص الغرفه قلت قولي غير كيذا انا ابي طبيعي عطيني فرصه قالت تعبان هذي امانه وانا خايفه على الجنين قلت انا امه خايفه اكثر منك بس مابي عمليه قالت هذا قراري فكري انتي الان تدخلين عمليات بنفس اللحظه قلت خلاص عطيني اوراقي كلها بروح مستشفى حكومي قالت لاتفكرين اكذب عليك قلت لا بس من حقي اتأكد ووقعت على مسؤوليتي وطلعت كان اطول طريق مشيته احاتي وخايفه رحت للحكومي قالوا مافي اي شي والبيبي كويس بس بنومك احتياط ونوموني يومين مافي اي شي الحمدلله ورجعت بيتي وصرت اراقب البيبي بدقه اكثر وحرص الى صحيت على اذان الفجر على الممم حادد ببطني ومستمر م اقدر امشي ولا اتحرك كنت توني مخلصه التاسع بيوم لميت اغراضي بصعوبه وحطيت رجلي بمويه دافيه وسويت لي حليب دافي قلت لو زاد يعني ولاده زاددد صار الممم بشششع مرهه ومستمر موب طلق خفت قلت لايكون صار شي لاقدر الله ورحت المستشفى دخلوني تخطيط على طوول وشرحت لهم الالم بس اختفى يوم ركبوا التخطيط دعيت ربي يكتب لي الخيره الطيبه لان نفسيتي تعبت قالوا البيبي تعبان لازم عمليه مستعجله 😬 الحمدلله العمليه شكلها مكتوبه لي استسلمت لهم خلاص ابيه يطلع بالسلامه وبس مابي اكثر وقعت موافقه بعشر دقايق وبسرعه قسطره على محاليل ركبوها لي على تغيير كأنه حلممم سريع دخلوني الغرفه كان المكان غرررريب الغرفه مليانه بالطاقم رجال على حريم شعور اني انكشف على رجال فجأه بدون غطا وقف مخي🥴🙊 صرت اتحاشى اطالع بعيون الواحد اذا كلمني لان كل تفكيري هو الحيين يشوفني ويشوف جسمي وشعري وكل شي 😅😅😅 الحمدلله انو ضروره قصوى 👩🏼‍🦯 خدروني نصفي احلى طاقم حنونين مرهه اللي يمسكون يدي واللي يكلموني واللي يسولفون عشان اتسلى خففو عني الخوف وشعور التخدير النصفي جممميل وهو يخدر جسمي واحساس انو اعرف انو الحين انا اسوي عمليه وبطني مفتوح وم احس بشي حمدت الله عليها وعلى نعمه وكرمه شويه وجابو لي ولدي اشوفه كانت مشاعري بارده من اللي عشته طليت عليه سريع ولفيت وجهي كان بخير الحمدلله اخذوه ينظفونه وانا كملت عمليتي على خير جاني بعد العمليه نفضضه جلست انتفض من البرد ساعه كامله كنت بموت من البرد اكثر من اللي عشته حطو علي باطنيات ودفايات هوائيه م رضيت اهدأ احاول اثبت نفسي م قدرت استسلمت لشعوري وصرت انتفض كلي لين تعبت وصرت اووون الكل حزنو علي قالوا اصبري هذا اعراض التخدير ولما راح البرد ناديتهم قلت بموت حررر شيلو الكومه اللي فوقي 🤣🤣🤣 بعدها جلست اتأمل نفسي مسدوحه كامل على ظهري بدون حركه وارجولي فيها كباسات تحرك الدوره الدمويه ويدي فيها حق الضغط واليد الثانيه مضادات وكل شوي يجون يضربون ابره شكل وبكل مكان قلت سبحان الله ي اجر الاممم عظيمممم الله يكتب اجر كل اممم يارب والحمدلله جوو بعد فتره قالوا لازم تقومين هاللحظه م توصف قد ايش صعبه ومؤلمه طلعت روحي ودخت رجعوا جلسوني لين اهدأ وقويت نفسي وقمت معاهم ومره على مره صرت اقوم بنفسي بخطوات هاديه الحمدلله على العافيه حسيت بقيمه كل شي بالحياه كل شي كنت اقدر اسويه بسهوله موب حاسه بنعمته بعدها بكم يوم طلعت لبيتي كنت تعبانه من عمليتي وتخيلت خلاص بقعد كيذا تعبانه ويوم عن يوم صحتي افضل وقومتي افضل الحمدلله صرت امشي بالبيت واتحرك واقضي اموري الخفيفه الحركه فادتني كثير والحين الحمدلله بعد ٢٣ يوم من عمليتي اللهم لك الحممممد م احس فيها ابداً ورجعت امارس حياتي الطبيعيه مثل اي ام وهذي قصتي الطويله الحمدلله جبت احلى احمد وصرت ماما للمره الثانية الحمدلله 😅💙🤍💙