انا كتبت موضوع هنا قبل سنه ونص لما ولدت بنتي في اول حمل بعنوان حماتي تؤذي بنتي المولودة حديثا وبعدين الموضوع تسكر الحين مرت سنة ونص وولدت الطفل الثاني اللي هو ولد والحمد لله على نعمة البنت والولد انا لحين اتذكر حماتي وش كانت تسوي مع بنتي اللي كانت اقل من شهر كانت تضربها وتقول مزح وانا ضربي خفيف وكانت تسبها وتدعي عليها تقول الله يفتح لك ابواب المقبرة الفلانية والعلانية والله يبني لك قبر بالمنطقة الفلانية وكنت وقتها ازعل على كلامها وماعرف ارد عليها لان شخصيتي للاسف ضعيفة والسبب اهلي الله يسامحهم المهم الحين جبت ولد توه 15 يوم اشوف تعامل حماتي معاه تحضنه وتبوسه طول اليوم وتدعي له ودايم تشوفه وتتطمن عليه وتشتاق له لو ابتعد شوي عنها حتى انها تساعدني بالاهتمام به مع اني ماطلبت منها لما اتذكر تعاملها مع بنتي وانا نفاس وتعاملها مع ولدي حالياً يجيني كره حق ولدي حتى احيانا اهاوش ولدي مع انه مايفهم بس عشان ارفع ضغط حماتي واخليها تعصب وفعلا هي تعصب وكم مرة قلت جدامها انا احب بنتي وماحب الولد ( مع اني احبه يعني ) وان التجربة الاولى غيرر ومايشبها شي وان حملي وولادتي الاولى ببنتي كنت فرحاانه مب نفس هذي المرة ( هذي الحقيقة فعلاً لكن انا اقول عمداً هالكلام جدامها ) حماتي تكره البنات ماعندها الا بنت وهي تعيش بدولة ثانية من سنوات وعندها ماشالله 8 اولاد وتحب الذكور وعندها تفرقة عجيبة بين كل احفادها الاولاد والبنات وانا مابي اكره ولدي مافي حد يكره عياله بس لمااتذكر كيف كانت قاسية مع بنتي تلقائيا هذا يكون شعوري لا حول ولا قوة الا بالله