العضوة: 754247 , 4 years ago

السكر لازم متابعة يعني خذي لك جهاز وقيسي صايم ومفطر اذا باقي عالي مع الحمية لازم تاخذي ابر لانه ابد مو طيب للجنين ووزنه اهم شيء امشي ع الحمية تمام وابعدي عن شيء اسمه رز او مكرونه او خبز ابيض حتى الاسمر تاكدي ان ما فيه سكر وان شاء الله فترة وتعدي وتقومي بالسلامة انت واللي ببطنك بس يبيلك اصرار ومتابعة لازم

العضوة: 905264 , 4 years ago

امين يارب الله يحمينا من هالسكر يارب ايوا قسته قبل فتره في المستشفى وطلع كويس وقالت الدكتوره كويس هذا قبل م اتبع الحميه بسالك كم السكر الطبيعي .؟ كل اكلي بيض وتوست بر وسلطه وبطاطس مسلوقه كلهم بدون ملح وكميات قليله وحليب طازج وزبادي قليل الدسم كلهم وصار لي اسبوعين ع هالحميه والحمدلله ان شاء الله ينزل ويروح عني يارب

العضوة: 752588 , 4 years ago

التوست مررره سكر

العضوة: 783998 , 4 years ago

اذا صارلك اسبوعين و الحمية ما ضطبت السكري يبق لازم تبدئي انسولين

العضوة: 905264 , 4 years ago

طيب الانسولين الله لا يجعلني اخذه يارب بس اللي اخذو انسولين عشان سكر الحمل بعد الولاده يتركوه ولا يستمرو عليه

العضوة: 752588 , 4 years ago

ابعدي عن التوست حاولي تسوين خبز بالبيت او تقطعينه بالمره

العضوة: 905264 , 4 years ago

ايه بتركه وبسوي بالبيت احسن لي دام طلع فيه سكر ما على بالي فيه سكر😓 مشكوره حبيبتي ❤️

العضوة: 892187 , 4 years ago

@user-905264 ألف سلامه عليكي حبيبتي وانا بعد عندي سكر حمل .. حاولي تتجنبي الاشياء الحلوه والدهون بشكل كبير .. اخذي سلطات وخبز اسمر بزيت زيتون وسمك او دجاج مشوي وشوربات وفواكه قللي من الموز والعنب والمانجا والبطيخ لان فيهم نسبة سكر امشي ع نظام غذائي راح يتعدل ان شاء الله وتحركي خفيف بعد الوجبات 😘

العضوة: 892187 , 4 years ago

@user-905264 ف حملي الاول كان عندي سكر حمل وشربت منقوع الزنجبيل مااغليه كنت احط بماي فتره واشربه وكمان منقوع الباميا والقرفه وكان ينزل بأمانه بس مااعرف اخاف يسبب لك اضرار او حاجه

العضوة: 833303 , 4 years ago

الف سلامه عليك ابعدي عن الخبز والبطاطس سواء مقليه او مسلوقه مرره لاتاكليها الخبز الاسمر او خبز النخاله افضل شي حتى توست الاسمر حلو للسكر فترة بسيطه ويعدي باذن الله امشي كثير يضبط السكر واشربي الحلبه بدون سكر القرفه كمان حلوه بس مع الحمل ماتصلح تسبب طلق ولايفتح الرحم متعبه للحامل

العضوة: 837156 , 4 years ago

حبيبتي لا تخافي بس اتبعي حمية وان شالله بخف عنك انا بي ابني اجاني سكر على اخر شهور وتبعت حميه وكنت اخذ تكلفاج ٥٠٠ بس وستواه اوكي وكنت اقيس صايم وبعد الفطور والغد والعشاء بساعه الحمدالله ولادت طبيعي ولبيبي كويس وزنه كان اوكي اثنين كيلو وخمسمائة غرام