مرحبا بنات

4 years ago

المرحلة الثالثة (الأشهر 9,8,7)

اليوم رحت موعدي مع دكتورة بعد فحص سونار تفصيلي وقالت لي عظمه فخد جنين أصغر وانا بالأسبوع ٣٤ شو رايكم بنات

21 تعليقات

توكلي على الله .. انا لو تعرفي شو كانو يقولون مره بطنه كبيره مره راسه كبير ومره يمكن ماي بالراس كل يوم شي عقدوني لين كرهت نفسي حتى النوم ما كنت اقدر انام و خايفه واخر شي ولدت وماشاء الله مافيه ولا شي من الكلام اللي كانو يقولون نتفه صغير الله يحفظه اهم شي ما تخلي كلامهم ياثر عليج للانه انتي هالفتره حساسه بزياده واللي من الله حياه 💙💙

العضوة: 814315 , 4 years ago

حبيبتي انتي بالاسابيع الاخيره الجنين يكون المكان ضيق عليه وكل ما كبر كل ماصار التشخيص صعب تلاقيها متساويه وكل شي تمام بس الجنين جالس بوضعيه غريبه ماااعليك منهم وكلي امرك لله ولا تفكري اختي كانو يقولو لها بنتك راسها كبير وجسمها صغير ومسكينه ما تهنت وجت بنتها مافيها الا العافيه الحمد لله

العضوة: 826315 , 4 years ago

انا بلاسبوع 34 معاك لا تخافي ان شاءالله يكون بخير دكاترة يضخمو كلشي

العضوة: 111386 , 4 years ago

حبيبتي ماعليك منهم واللي الله كاتبه لك بيصير والحمدلله على كل شي وحده تقربلي كان الدكتوره تقولها جنينك بدون اطراف دخلتها في هم والحمدلله جابت ولد مثل القمر بس اصابعه لليد اليسار ماهي موجوده

العضوة: 301928 , 4 years ago

حبيبتي انا مثلك خوفوني وقالت لي دكتوره عظمة الفخذ قصير ورحت لأكثر من دكتوره وقالو طبيعي اذا القصر من اسبوع الى ٣ اسابيع من بعد ثلاث اسابيع يقولون ان في مشكله بس اذا الفرق اسبوع او اسبوعين عاادي جداً بس يطلع الطفل قصير يعني يمكن لأحد عندكم بالعايله قصير عادي جداً لاتخافين