كيفكون صبايا بدي انصحكون شوية نصايح بناء على تجربتي القاسية الي مريت فيها بحملي الاول انا ولدت باول السابع وطفلي عاش عشرين يوم عذاب بالحاضنة وبعدا الله اخذ امانته ورتاح وانا كمان رتحت بعد العذاب الي شفتو وقلت الحمدلله عكل حال والله يعوضني وانا هلا حامل بتاني شهر🤰🏼 نصيحة مني 🌸اول شي اختيار دكتور المتابعة اذا ما رتحتي لدكتورتك غيريها اختاري دكتور يسمعلك ويكون كبير سواء دكتور او دكتورة لانو بتكون خبرتهم اكبر وبيكتشفو المشاكل قبل ما تتطور 🌸كوني صريحة مع دكتورتك اي تفصيلة صغيرة رح تساعدك تحافظي على حملك وخصوصا الافرازات واي شي مدايقك بحملك لا تقولي طبيعي وتسألي الي حواليلي ويقلولك عادي وتطنشي كل وجع بالحمل اله سبب وله حل يريحك وينقذ الجنين 🌸واهم شي الراحة الراحة الراحة والابتعاد عن التوتر والعصبية والمشاكل قدر الامكان انتبهي لكل حركة عم تعمليها كتير احيانا بنكون عم نرتب البيت ونشيل ونحط وننسا انو في ببطنا جنين والله كلشي بأثر بالحمل تحركي عمهلك ولو طبيعتك تترعبي من الاصوات العالية او بتركضي لما يرن موبايلك اهدي وذكري حالك عطول انو ما حتطير الدنيا لو تاخرتي لرديتي او ما فتحتي الباب بسرعة او جوزك استناكي شوي لتحضري الاكل عمهلك خلي ببالك انو ممنوع الحركة السريعة مهما كانت الاسباب 🌸اخر نصيحة اياكي والسفر طبعا هلا كورونا ماحدا عم يسافر بس السفر كتير خطر عالجنين انا سافرت وندمت والله تغير الجو والهوا وكلشي باثر عجسم الحامل والبيبي لو حدا عندها اي نصيحة كمان تضيفها وخلينا نستفيد من بعض فعلو الجرس لنتابع النصايح❤️